గాయపరిచే వెలుగు | ఫణీంద్ర కుప్పిలి
గాయపరిచే వెలుగు | ఫణీంద్ర కుప్పిలి
అబద్ధాల అలలు ఎంత ఎగసిపడ్డా
సత్యం సముద్రంలా నిశ్చలంగా నిలుస్తుంది..
మేఘాలు సూర్యుణ్ని కప్పినంత మాత్రాన
వెలుగు తన ఉనికిని కోల్పోదు..
కాలం కొన్నిసార్లు అసత్యానికి
విజయ కిరీటాన్ని తొడిగినా..
చరిత్ర చివరికి సత్యానికే
జయధ్వజాన్ని ఎగురవేస్తుంది..
మాయ మాటల మైకంలో
మనసు క్షణకాలం మురిసిపోవచ్చు..
కానీ గాయపరిచే నిజం మాత్రమే
నిదురిస్తున్న ఆత్మను మేల్కొలుపుతుంది..
30.05.2026