నిశ్శబ్ద విలయం | ఫణీంద్ర కుప్పిలి
నిశ్శబ్ద విలయం | ఫణీంద్ర కుప్పిలి
ఎటు చూసినా వికల రూపాలే..
అస్తిత్వపు అంచున తెగిపడి ఉన్న
మేధో తంతువుల శకలాలు..
హృదయం ఒక నిర్జన మరుభూమిగా పరివర్థితమై
తనలో తాను నిశ్శబ్దంగా దహించుకుపోతోంది..
కాలం పేర్చిన నిశ్చితాభిప్రాయాలన్నీ
నిర్దయగా విసిరిన యధార్థపు రాళ్ళ దెబ్బకు
తునాతునకలై రాలిపోతున్నాయి..
అంతరంగపు పునాదులపై నిర్మించుకున్న 'ఇజాల' సౌధాలు
సత్యపు సుడిగాలిలో పేకమేడల్లా కుప్పకూలుతున్నాయి..
ఇక్కడ న్యాయమనేది సార్వత్రికం కాదు..
అది శక్తిమంతుని కరచాలనానికి లొంగిపోయే బానిస..
ధర్మం అనేది ఒక రక్షణ కవచం కాదు..
అది కేవలం బలవంతుని అడుగుజాడల్లో
నడిచి వెళ్ళే నీడ మాత్రమే..
30.03.2026